180608_safarbek

Film-Cen-Asia

Барои ширкаткунандагони кунфронси серузаи «Тамос бо чахони порсигу» дар Муассисаи Мутолеъоти Ховарй ва Офрикоии Ландан чанд филми хуб намоиш дода шуд, ки филме аз Точикистон бо номи «Таквими интизор» (2005) дар он миён буд. Пас аз намоиши филм бо хузури созандаи он Сафарбек Солиев чаласаи пурсиши посух созмон ёфт.

« Таквими интизор » тасвири чигунагии гузарони рузгори мардум дар хилоли умеду интизори оянда аст. Он дар нохияи баландкухи Нурободи Точикистон филмбардорй шуда ва бозтоби вокеъбинонаи зиндагии мардум дар шароити сахти чаввиву чугрофиёйи ва маъишист. Дар ин филм метавон танаввуъи кавмию мазхабй дар чомеъаи Точикистон, решахову пешина ва тахаввулоти феълии онро мушохида кард.

Самад, кахрамони аслии филм, як пирмарди рустойист, ки чубхои тобуташро канори хам мечинад, то битавонад рузе наздики решахои худ биорамад. Ин мавзуъ барои у мухим аст, чун падарбузурги у дар Чанги Чахонии Дуввум кушта шуд ва падари у дар даврони шуравй дар минтакаи Сибрй чон дод.

Писари Самад яке аз хазорон точик аст, ки ба кор дар Русия тан додаанд. Хамсари у Ира ва духтараш Мавлуда бо Самад мондаанд ва мунтазири ба хам омадани хонаводаи парешонашонанд.

Мавлудаи хурдсол, ки мебинад чи гуна модараш дар интизори бозгашти падараш руи торихи рузхои руи таквим хат мекашад, бо бесабрй руи чандин руз якбора чалипо мекашад, то замон зудтар бигзарад ва у ба дидори падараш бирасад. Хамин сахна ба унвони филм маъно медихад.

Интизори онхо ёдовари ин хакикат аст, ки 93 дарсади сарзамини Точикистон мураккаб аз кухистони нохамвору муртафеъ аст ва имкони киштукор дар он бисёр махдуд аст; дар натича шумори зиёде аз чавонони рустойи дар чустучуи ризку рузй ба Русия мераванд.

Бинандагон бо Виктор ном мехмоне аз Русия ошно мешаванд , ки дар хамин рустои Нуробод зода ва бузург шудааст. Бо бад шудани вазъияти амниятй дар солхои чанги дохилии 1992-97 Виктор русторо ба касди Русия тарк карда буд. Акнун у ба зиёрати гури падараш омадааст, ки дар ин русто зиндагй мекард ва дар сохтмони пули минтака даст дошт. Ин сахна ёдовари гузаштаи кишвар аст ; замоне ки мардум аз кавмхои гуногун бо бовархои гуногун канори хам зиндагй мекарданд ва дар ободонии зистбуми муштаракашон сахм мегузоштанд. Ин чехрахо нишон медиханд , ки Точикистон на танхо гузаштаи чандмазхабй ва чандкавмй доштааст , балки ин гуногунй акнун хам дар шакле дигар бо шароите дигар вучуд дорад.

Дар холе ки бисёре аз чавонон бо сармоя ба рустохояшон бармегарданд, бархе аз онхо дар Русия аз саломати худ махрум мешаванд. Ба монанди яке аз чехрахои ин достон, ки аз тарики суранг (сузандору)-и олуда хангоми додани хун барои як коргари хамрохаш ба вируси Эйч-Ой-Ви (ВИЧ) мубтало шудааст.

Аз гуфтугухои миёни чехрахои филм метавон дарёфт, ки мардуми минтакахои кухистонии Точикистон бо чи чолишхое рубару хастанд. Вакте ки Самад ва Виктор аз канори як тунели дар холи сохт мегузаранд, тасвирхо ёдоварй мекунанд, ки дар шароити зимистонй чоддахои миёни бахшхои мухталифи кишвар барои чандин хафтаи паихам зери пушиши барф мемонанд ва пайванди миёни онхо катъ мекашавад.

Мусикии гании филм, ки голибан сохтаи Далер Назаров аст, бисёр гирост. Оханги он мутанаввеъ аст ва бо сахнахову лахзахои гуногуни филм созгорй дорад.

Дар ин филм хамчунин метавон як сиёсатмадори гайримахаллиро дид , ки талош мекунад хусни таваччухи пирони русторо ба даст оварад, то ба макоми раёсати минтака баргузида шавад. Ин ишора ба ахамияти бештари вафодорихо ва илтифотот нисбат ба идеулужй ё мавзеъгирии сиёсй аст. Тазодди вазъиятро дар сахнае мебинем, ки раиси пешини минтака дар холи орд кардани гандум дар осиёб аст. Гирдогирди у пур аз тасвирхои Ленину Столин аст. У мегуяд, замоне гандумро катор-катор меоварданд, акнун он факат дар хадди бихуру намир ба мардум мерасад.

Ин филм бозтоби иттифокии зиндагй дар як рустои кухистонии Точикистон нест. Он дар вокеъ тасвирхои даруннигаронае аз зиндагй дар чомеъаи кунунии Точикистонро ба даст медихад ва намоёнгари печидагихо ва тазодхоест, ки бо кинояхои нешдору зананда баён мешавад. Мошини чипи гурухи филмбардорй, ки дар гилу лой гир мемонад, яке аз нукоти зарифи филм аст, ки ба чашми бинандаи борикбин мерасад ва паёмест, ки бо риъояти назокат иблог шудааст.

Аз захмати Сафарбек Солиев, коргардон, тахиякунанда ва филмноманависи «Таквими интизор» дар кишвархои гуногун такдир шудааст. Он дар бисту хафтумин чашнвораи Се Кораи Нонт (Nantes) чоизаи Чашмандози Навро бурд. Хамчунин дар хаштумин чашнвораи филми Ховару Бохтар дар Боку ва дахумин хамоиши тахиякунандагони филми кишвархои мустакилли хамсуд ва каронаи Болтик дар Маскав, чашнворахои Порис, Рум ва Техрон, чашнвораи байнулмилалии филми Уруосиё III дар Казокистон, чашнвораи филмхои осиёйи ва арабй дар Хинд сазовори чоизахои мухталиф шудааст.